ARD EVENTS & ANNOUNCEMENTS


Agribusiness and Rural Development https://sites.google.com/a/univsul.edu.iq/faculty-of-agricultural-sciences/AGR-Depts/agricultural-extension/people https://sites.google.com/a/univsul.edu.iq/faculty-of-agricultural-sciences/AGR-Depts/agricultural-extension/curriculum RESEARCH Alumni https://sites.google.com/a/univsul.edu.iq/faculty-of-agricultural-sciences/AGR-Depts/Agribusiness-and-Rural-Development/contact-us

 بۆ خوێندکارانی خۆشەویستی دەرچووی ١٢ی زانستی 

 ئاگاداری خوێندکارانی دەرچوی قۆناغی ١٢ی زانستی خۆشەویست دەکەین کە بەشەکەمان بۆ ئەمساڵی خوێندن بەم مەرجانەی لای خوارەوە خوێندکار وەردەگرێت:


* شێوازی پێشکەشکردن و مەرجەکانی وەرگرتن:
- کۆدی بەشی کارگێڕی کاری کشتوکاڵی و گەشەپێدانی ناوچەی گوندنشین : 484 
- سیستەمی وەرگرتنی ئەمساڵ وەرگرتنی ڕاستەوخۆیە بە سیستەمی کریدت.
- کەمترین کۆنمرە بۆ وەرگرتنی ڕاستەوخۆی سیستەمی کریدت: ٦٥%
- لە سیستەمی کریدتدا وانە پەیوەندیدارەکان بە بەشی ARD لە بری تاقیکردنەوە و چاوپێکەوتن هەژماردەکرێت بەم شێوەیە:
 کۆنمرەی خوێندکار (٧٠%) + وانەی ئینگلیزی (٥%) + وانەی بایۆلۆجی (١٥%) + وانەی کیمیا (٥%) + وانەی فیزیا (٥%) = (١٠٠%) کۆی گشتی

* خوێندکاری یەکەم لە قۆناغی یەکەمی ئەم بەشە دەتوانێت بچێت بۆ کۆلێجی کارگێری و ئابوری.


* دەربارەی بەش:

بەشی کارگێڕی کاری کشتوکاڵی و گەشەپێدانی ناوچەی گوندنشین بەشێکە لە بەشەکانی کۆلیجی زانستە کشتوکاڵییەکان، خەسڵەت و تایبەتمەندی ئەم بەشە لەوەدایە کە مامەڵەدەکات لەگەڵ بنەماکانی کارگێڕی و بەڕیوەبردن و بەبازاڕکردن و دارایی بەرهەمە کشتوکاڵییەکاندا بە بەرهەمی خۆراکی و ڕێشاڵییەکانەوە (لە کێڵگەکانەوە تا دەگاتە سەرسفرەکانمان). هەروەها شارەزاکردنی خوێندکار بە یاسا و سیاسەتی ناوخۆیی و نێودەوڵەتی کشتوکاڵی بنەماکانی گەشەپێدانی بەردەوامی کشتوکاڵ و ناوچە گوندنشینەکان. خوێندکار لەم بەشەدا بنەماکانی زانستە کشتوکاڵییەکان  و ئابوری و کارگێڕی کار و ئامار دەخوێنیت بۆ ئەوەی بە باشی ئامادەبکرێن بۆ کارکردن لە بوارەکانی کارگێڕی کاری کشتوکاڵی و بەڕێوەبردنی سەرچاوەسروشتییەکان و بەڕێوەبردنی کار و باری دارایی وژمێریاری کێڵگە کشتوکاڵییەکان و پلاندانەر و شیکاری سیاسەتی کشتوکاڵی و ڕاوێژکاری کشتوکاڵی لە کەرتی حکومی یان تایبەتدا.

 ئەم بەشە دیزاین کراوە بۆ ئامادەکردنی خوێندکار بۆ کارکردن لە بوارە جیاوازەکانی وەک کارگێڕی کار، دارایی، بەبازاڕکردنی بەرهەمی کشتوکاڵی لەسەر ئاستی ناوخۆیی و نێودەوڵەتی، داڕێژەری سیاسەتی کشتوکاڵی، بەڕێوەبردنی کێڵگە کشتوکاڵییەکان، ئابوری سەرچاوە سروشتییەکان، گەشەپێدانی ناوچەی گوندنشین، بانکی کشتوکاڵی، خەمڵاندن.

 لە پێناو دابینکردنی کەشێکی لەبار و گونجاو کە  لەگەڵ خواست و پێداویستییەکانی خوێندکاراندا بگونجێت، ستافی مامۆستایان و فەرمانبەرانی بەشەکەمان بە مامەڵەیەکی هاوڕێیانەوە کاری فێرکردن و ڕێنمایکردنی خوێندکاران ئەنجام دەدەن. وە بە بەرنامە یەکی داڕێژراوی تۆکمە و کوالیتی یەکی بەرز لە لایەن کەسانی لێهاتوو و ئەکادیمی و شارەزاوە خوێندکاران گۆشدەکەن بە زانست و زانیاری پێویست  بۆ خوێندکاران.  


* لەم بەشەدا چی فێردەبیت؟

 بە خوێندن لە بەشی کارگێڕی کاری کشتوکاڵی و گەشەپێدانی ناوچەی گوندنشین، تۆی خوێندکار فێردەبێت کە بنەماکانی کارگێڕی کار و بنەماکانی ئابوری جێ بەجێ بکەیت لە پرۆسەی بەرهەمهێنان و بە بازاڕکردنی خواردن و بەرهەمە کشتوکاڵییەکانی تردا ، وە هەروەها لە شێوازی بەڕێوەبردنی سەرچاوە سروشتییەکاندا.

بەشی کارگێڕی کاری کشتوکاڵی و گەشەپێدانی ناوچەی گوندنشین بە چڕو پڕی بایەخدەدات بە ئابوری کشتوکاڵ و بەبازاڕکردنی کشتوکاڵی و بەڕێوەبردنی کێڵگەی کشتوکاڵی و دارایی کشتوکاڵی و بازرگانی کشتوکاڵی نێودەوڵەتی.

لێرە فێری ئەو بنەمایانە دەبیت کە پەیوەستە بە باشترین شێوەی بە کرداریکردنی بواری گەشەپێدانی بەرهەم و زیاد کردنی قازانج و پلاندانان بۆ وەبەرهێنان لە بواری کشتوکاڵیدا. وە کەسایەتیت  بنیاد دەنێیت لەڕوی چارەسەرکرنی کێشە Problem Solving  ، خاوەنی خوێندنەوەیەکی ڕەخنەگرانە و نوسینی ڕەخنەگرانە،، دەستپێشخەرکاری، کاری بە کۆمەڵ Team work، بە توانا لە ئاخاوتن و نوسین و شیکاریدا.

تۆی خوێندکار ئاشنا دەبێت بە ئامرازەکانی ژمیریاری وەک بالانس شیتBalance Sheet  و لیستی داهات  Income Statement وە هەوەها ئاشنا دەبێت بە بەکارهێنانی  ڕێگەکانی ئامارکاری و ڕێگەکانی ژمێریاری و بەرنامەی کۆمپێتەریی پێویست بەو بوارە. دەتوانیت لە داهاتودا وەک ژمێریارێکی سەرکەوتوو کار بکەیت.


دەرفەتی کارکردن لە داهاتوودا:

-    کارگێڕی کاری کشتوکاڵی لە کەرتی تایبەت (کۆمپانیای ناوخۆیی و نێودەوڵەتی) و کەرتی حکومیدا.

    ڕاوێژکاری کشتوکاڵی

-    ڕێنمایکاری کشتوکاڵی

-    سەرپەرشتیاری و بەڕێوەبردنی کێڵگەی کشتوکاڵی

-    کاری ئۆفیسی بانک و قەرز

-    کاری ژمێریاری و شیکاری دارایی کشتوکاڵی

-    کاری فرۆشیاری و بە بازاڕکردنی بەرهەمە کشتوکاڵییەکان

-    کاری بازرگانی بەرهەمی کشتوکاڵی

-    خاوەنکار وەبەرهێنەر لە بواری کشتوکاڵیدا.

-  کاری ڕێکخراوی ناحکومی کشتوکاڵی ناوخۆیی و نێودەوڵەتی



Comments