بەشی باخداری لە کۆلێجی زانستە کشتوکاڵیەکان-زانکۆی سلێمانی ڕۆڵ و بەشداریەکی کارای هەیە لە پێشکەشکردنی  فێرکارییەکی دروست و ئەنجامدانی توێژینەوەی زانستی بەهێزو کارا بۆ مەبەستی پێگەیاندنی کادری لێهاتوو و شارەزا و گەشەپێدان و باشترکردنی بڕ و کوالیتی بەرهەمەکانی باخداری (لە میوە و سەوزە) بۆ مەبەستی سود گەیاندن بە بەرهەمهێنەران (جوتیاران و وەبەرهێنەران) و بەکاربەرانی ئەم بەرهەمانە.

لەم بەشەدا خوێندن و فێرکردن بە کوالیتیەکی بەرز پێشکەش دەکرێت بە خوێندکارانی بەکالۆریۆس و خوێندنی باڵا لە دبلۆمی باڵا و ماستەر و دکتۆرا لەگەڵ ڕاهێنانێکی پرۆفیشناڵانەیان بۆ مەبەستی بەهێزکردن و گەشەپێدانی تواناکانیان و ئامادەکردنیان بۆ کاری پرۆفیشناڵ لە داهاتوودا.

 بەشی باخداری خاوەنی کێڵگەی توێژینەوەی تایبەت بە خۆیەتی. بەشی باخداری دەکەوێتە شاری سلێمانی یەوە کە ناوچەیەکی شاخاوییە و کەشێکی نیمچە وشکی هەیە کە هاوینێکی گەرم و ووشک و زستانێکی سارد و بەفر و باراناوییە.  ئەم جۆرە لە خەسڵەتی کەش و هەوا یارمەتیدەرە لە ڕەخساندنی هەلی ئەنجامدانی توێژینەوەی زانستی لەسەر بەرهەمە جۆربەجۆرەکانی باخداری بە بەردەوامی  بە درێژایی ساڵ. بەشی باخداری پێشەنگە لە ئەنجامدانی توێژینەوەی زانستی لەسەر بەرهەمهێنانی میوە و سەوزە، بایۆتەکنۆلۆجی ڕووەک، کردارەکانی باش چنینەوە، چارەسەرکردنی نەخۆشیەکانی ڕووەک ، دیزاینی باخ و پارک، وە بوارەکانی تری تایبەت بە باخداری.