Erasmus+ MSc Food Identity 2016-2018

For the development of traditional food products

لە زنجیرە چالاکییەکانیدا بەڕێز ( د. ڕێژین هارون محمد)  سەرۆکی بەشی کارگێڕی کاری کشتوکاڵی و گەشەپێدانی ناوچەی گوندنشینARD   لە فاکەڵتی زانستە کشتوکاڵییەکان سەر بە زانکۆی سڵیمانی بەفەرمی و لەسەر بانگهێشتی پرۆگرامی Identity Erasmus+ MSc Food و بە نوێنەرایەتی زانکۆی سلێمانی بەشداری کرد لە کۆنفرانسێک بۆ مەبەستی داڕشتنی بەرنامەی کاری پرۆگرامی خوێندنی ماستەری MSc Food Identity 2016-2018 لە وڵاتانی ئیتالیا و فەرەنسا

“15^th conference,  Le Master Food Identity de l’ESA défend les terroirs à travers le monde,  8th September 2016, Angers,  France”

- لەم کۆنفرانسەدا بەڕێزیان سیمینارێکیان پێشکەش کرد لەسەر سیستەمی خۆراکی لە هەرێمی کوردستان و عێراق و ڕۆژهەڵاتی ناوەڕاستدا .

- بە بەشداری کردنی بەڕێز د. ڕێژین کۆمەڵێک دەستکەوتی گەورەی بەدەستهێنا بۆ زانکۆی سلێمانی و فاکەڵتی زانستە کشتوکاڵییەکان، لەوانە:

١- زانکۆی سلێمانی بە فەرمی بووە زانکۆی ئەندام و هاوکار Associated Partner      لە بەرنامەکەدا . وە بەڕێز ( د. ڕێژین هارون محمد)  بە فەرمی بوو بە نوێنەری زانکۆی سلێمانی و هەرێمی کوردستان و وڵاتی عێراق و ناوچەی ڕۆژهەڵاتی ناوەڕاست لە بەرنامەی Erasmus+  بۆ بەرنامەی  MSc Food Identity  و ئەندامی لیژنەی هەڵسەنگاندن لە بەرنامەکەدا.

٢-ڕەخساندنی هەلی ئاڵوگۆڕی خوێندکار)  (Exchange student لە نێوان زانکۆی سلێمانی و زانکۆکانی ئەندام لەم بەرنامەیەدا  لەڕێی ئەم بەرنامەیەوە.

٣- ڕەخساندنی هەلی هاتنی خوێندکارانی بیانی بۆ زانکۆی سلێمانی/ فاکەڵتی زانستە کشتوکاڵییەکان بۆ مەبەستی توێژینەوە و خوێندن بۆ ماوەیەکی دیاریکراو.

٣- ڕەخساندنی هەلی دابینکردنی زەمالەی خوێندن بۆ خوێندکارانی زانکۆی سلێمانی بۆ مەبەستی خوێندنی ماستەر لەسەر ئەم بەرنامەیە.

٤- زانکۆی سلێمانی وەك Associated Partner ئەتوانێت کارئاسانی بکات بۆ ئەو کەسانەی کە خوازیارن ماستەر بخوێنن لەسەر خەرجی خۆیان لەم بەرنامەیەدا

 (* بڕوانامەی ئەم بەرنامەیە لۆگۆی چەند زانکۆیەکی ناسراوی ئەوروپی(فەرەنسی، ئیتالی، ئیسپانی، ڕۆمانی، بەریتانی) لەسەر ئەبێت؛ Universidad de León ،  Università Cattolica del Sacro Cuore U.C.S.C ، University of Agricultural Sciences and Veterinary Medicine Cluj-Napoca ، Escuela Universitaria de Ingeniería Agrícola ، Ecole Supérieure d’Agricultures d’Angers France.

٥- مامۆستایانی شارەزا و پسپۆڕ لە زانکۆی سلێمانی دەتوانن بەشدار بن لەم ئەم بەرنامەیەدا بە وتنەوەی وانە لە زانکۆکانی ئەندام لەم بەرنامەیەدا لە وڵاتانی فەرەنسا و ئیتالیا.

٦- ساڵانە چەند پرۆپۆزەڵێکی  تایبەت بۆ مەبەستی توێژینەوەی خوێندنی ماستەر لە کوردستانەوە ئامادە دەکرێت لەسەر ئەو کێشانەی پێویستە توێژینەوەی لەسەر بکرێت لە هەرێمی کوردستاندا بۆ خوێندکارانی بەشدارم لەم بەرنامەیەدا.

لینکەکان:

http://www.groupe-esa.com/le-master-food-identity-de-l-esa-defend-les-terroirs-a-travers-le-monde-23682.kjsp

https://prezi.com/s7b6n6bwkkua/erasmus-msc-food-identity-2016-2018/

http://masterfoodidentity.com/